എന്തിനു ദരിദ്ര നാരായണന്മ്മാരോട് ഈ ക്രൂരത…?
പാവങ്ങളുടെ വറചട്ടിയില് കൈയ്യിട്ടു നക്കുന്നവര് , എലനക്കിപട്ടിയുടെ ചിറിനക്കിപട്ടികള് എന്നുള്ളതൊക്കെ വെറും വാക്കും കേട്ടുകേള്വിയുമായിരുന്നത് ഇപ്പോള് ഏതാണ്ട് നമ്മുടെ ഇടയില് തന്നെ സംഭവിച്ചിരിക്കുന്നു. എന്നും പാവങ്ങളുടെ മേല് കുതിര കേറുന്ന സമ്പന്നവര്ഗ്ഗങ്ങള് എന്നുള്ളത് നമ്മുടെ ഇടയിലെ ഹോബിയാണ്. അതിനെല്ലാമപ്പുറമുള്ള ചിന്തകളും വാര്ത്തകളും സത്യമാകുന്ന ഒരു കാലത്തിലാണ് നമ്മള് ജീവിക്കുന്നത്. നമ്മുടെ കേരളസംസ്ഥാനത്തെ ദരിദ്ര ജന വിഭാഗങ്ങള്ക്കായി സര്ക്കാര് ഏര്പ്പെടുത്തിയ ആനുകൂല്യം ഉദ്യോഗസ്ഥര് കവര്ന്നെടുത്തു എന്ന് നമ്മുടെ മന്ത്രി തന്നെ വെളിപ്പെടുത്തിയതിലൂടെ എന്താണ് നമ്മുടെ മുന്നില് തെളിഞ്ഞു നില്ക്കുന്നത്…? പാവങ്ങളോടൊക്കെ എന്തും ആകാം…?
മന്ത്രി ഷിബു ബേബി ജോണിന്റെ തന്നെ വാക്കുകളിലേക്ക് : “അനധികൃതമായി ബി.പി.എല് പട്ടികയില് കടന്നുകൂടി റേഷന് കാര്ഡ് കരസ്ഥമാക്കിയ സര്ക്കാര് ഉദ്യോഗസ്ഥന്മാരുടെ കൈവശമുള്ള എല്ലാ കാര്ഡുകളും റദ്ദാക്കും” . റദ്ദാക്കിയാല് മാത്രം പോരാ, സര്വീസില് ഇരുന്നുകൊണ്ട് പാവങ്ങളുടെ കഞ്ഞിപാത്രത്തില് കൈയ്യിട്ടു നക്കി ഒരുളിപ്പും ഇല്ലാതെ തിന്നു തൂറി കഴിഞ്ഞിരുന്ന ഓരോ സര്ക്കാര് ഉദ്യോഗസ്ഥനും സര്ക്കാരിന്റെ ശമ്പളം പറ്റി കൊണ്ട് ഇങ്ങനെ ഒരു ചെറ്റത്തരം കാണിച്ചതിന് എന്ത് തരം ശിക്ഷയാണാവോ താങ്കളുടെ സര്ക്കാര് നിശ്ചയിച്ചിരിക്കുന്നത്. ഇത്ര കടുത്ത അഴിമതി നടത്തിയ സര്ക്കാര് ഉദ്യോഗസ്ഥര്ക്ക് എന്തുതരം ശിക്ഷ കൊടുത്താലും മതിയാകില്ല. ചെറ്റകള് (ക്ഷമിക്കുക)
ഒരു ദിവസം മുപ്പതുരൂപാ പോലും അതായിത് നമ്മുടെ നാട്ടിലെ ഒരു കിലോ അരി പോലും മേടിക്കാന് നിത്യവരുമാനം ഇല്ലാത്ത പട്ടിണി പാവങ്ങള്ക്കായി കേന്ദ്ര സര്ക്കാര് ഏര്പ്പെടുത്തിയ റേഷന്കാര്ഡാണ് ബി.പി.എല് റേഷന്കാര്ഡ്. സൌജന്യ നിരക്കില് ഒരു കുടുബത്തിന് അത്യാവശ്യം വേണ്ട സാധനങ്ങള് ലഭ്യമാക്കുക എന്ന സംവിധാനമാണ് ബി.പി.എല് കാര്ഡു കൊണ്ട് ഉദ്ദേശിക്കുന്നത്. ഈ സൌജന്യം കേരളത്തിലെ ഇരുപത്തിനാലായിരം സര്ക്കാര് ഉദ്യോഗസ്ഥന്മാര് തങ്ങളുടെ അധികാരം ഉപയോഗിച്ച് അപഹരിച്ചെടുത്തു എന്ന് കേട്ടപ്പോള് ഞെട്ടാത്തവര് പോലും ഞെട്ടി പോകും.ഒരു സര്ക്കാര് ഉദ്യോഗസ്ഥന് എങ്ങനെ കുറഞ്ഞാലും എണ്ണായിരം രൂപയെങ്കിലും ശമ്പളം കൈപ്പറ്റുന്ന നമ്മുടെ ഭരണചക്രം തിരിച്ചു നമ്മുടെ നാടിനു വേണ്ടി എല്ലാ സേവനങ്ങളും ചെയ്യുന്ന സര്ക്കാര് ഉദ്യോഗസ്ഥന്മമാര് തട്ടിയെടുത്തു എന്ന് കേട്ടപ്പോള് ഇതിനെ എന്ത് പേരിട്ടു വിളിക്കും എന്ന് മാത്രം നമ്മള് ആലോചിച്ചാല് മതി.
തിരിച്ചു കൊടുക്കാന് പറഞ്ഞപ്പോള് തന്നെ പേടിച്ചിട്ടാവാം എണ്ണായിരം ഉദ്യോഗസ്ഥന്മ്മാര് കാര്ഡ് തിരിച്ചുകൊടുത്തു. സര്ക്കാര് നിര്ദ്ദേശം പുല്ലുവില പോലും കല്പിക്കാതെ ഇപ്പോഴും കൈയ്യില് വെച്ച് സൌജന്യം അനുഭവിച്ചു കൊണ്ടിരിക്കുന്ന ബാക്കി പതിനാറായിരത്തിനോട് എന്തിനാണ് പറഞ്ഞു കൊണ്ടിരിക്കുന്നത്. വീണ്ടും വീണ്ടും പറഞ്ഞുകൊണ്ടിരിക്കാതെ നിയമനടപടികളും, ഇതുവരെ കൈപ്പറ്റിയ മുഴുവന് ആനുകൂല്യങ്ങളും ഒരു ചില്ലിക്കാശു പോലും നഷടമാകാതെ സര്വീസ് ചട്ടപ്രകാരം തന്നെ തിരിച്ചുപിടിച്ചു പാവങ്ങള്ക്ക് തന്നെ തിരിച്ചു കൊടുക്കുവാന് നടപടികള് സ്വകരിക്കണം. അഴിമതി നടത്തിയവര് ഇടതുഭരണകാലത്ത് നടത്തിയ അഴിമതി എന്ന് പറഞ്ഞു സ്ഥിരം രാഷ്ട്രീയ നാടകം കളിക്കാതെ എന്തെങ്കിലും നടപടി എടുക്കാന് ശ്രമിക്കുക. അതാണ് പ്രബുദ്ധ കേരളം നിങ്ങളില് നിന്നും പ്രതീക്ഷിക്കുന്നത്..!!
211 total views, 1 views today
ദിസ്ക്കസ് കമൻറ് സിസ്റ്റം വഴിയും, ഫേസ്ബുക്ക് ഐ.ഡി ഉള്ളവർക്ക് അതുവഴിയും അഭിപ്രായങ്ങൾ എഴുതാവുന്നതാണ്. താങ്കളുടെ അഭിപ്രായം അതെന്തു തന്നെയായാലും മലയാളത്തിലോ ഇംഗ്ലീഷിലോ മംഗ്ലീഷിലോ തുറന്നെഴുതുക...അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക. ഇവിടെ എഴുതുന്ന അഭിപ്രായങ്ങൾ തട്ടകം ബ്ലോഗിൻറെ അഭിപ്രായങ്ങൾ ആകണം എന്നില്ല.
